Umhirða og þvottur

Ekki er nauðsynlegt að þvo flík eftir hverja notkun. Viðraðu flíkina milli þess sem þú klæðist henni. Þvoðu stöku bletti í höndunum ef hægt er. Því minna sem flíkin er þvegin, því langlífari er hún. Undantekningar? Sokkar, nærföt og aðrar flíkur sem fylgja þér í erfiðisvinnu.

Gróf efni og fín efni eiga ekki heima saman í þvotti. Núningur þeirra á milli getur orðið til þess að trefjar brotna smám saman niður, þvott eftir þvott. Notið þvottanet undir viðkvæman þvott.

Hámark 30°C. Kaldara vatn verndar lit, kemur í veg fyrir rýrnun og krefst minni orku. Ein lítil venja, raunverulegur munur með tíð og tíma.

Leggðu flíkina flata eða hengdu hana til þerris í vel loftræstu rými. Slepptu þurrkaranum. Hiti í þurrkara er ein stærsta ástæða þess að föt missa lögun sína og styttir líftíma þeirra í leiðinni. Þá skal einnig nefna að léleg loftun um föt verður til þess að fötin þorna ekki nógu vel og fara þannig að lykta illa.

Ef nota þarf hita, þá er gufa betri kostur en þrýstingur frá straujárni. Gufan slakar á efninu án þess að þvinga það um of. Sjóðandi heitt straujárn sem þrýst er niður á efnið af ákefju afmyndar trefjarnar í efninu, áferðin flest niður og með tímanum breytir því hvernig flíkin situr á þér. Haltu gufutækinu nálægt efninu, láttu hittann frá henni vinna verkið. Engin þörf fyrir óþarfa þrýsting.

Mýkingarefni húða trefjarnar í efninu með gerviefnalagi. Með tímanum dregur það úr getu efnisins til að anda og hefur sömuleiðis neikvæð áhrif á áferð þess. Við ráðleggjum því að sleppa mýkingarefnum, auk annarra tilbúinna efna sem gegna þeim tilgangi að mýkja þvott. Efnið í flíkinni virkar betur án þeirra.

• Kalt vatn, 30°C mest.
• Snúið á rönguna áður en sett er í vél.
• Notaðu kerfi fyrir viðkvæman þvott.
• Aðskiljið frá fötum úr grófari efnum.
• Notið milt þvottaefni. Forðist sterkt.
• Ekki nota klór.
• Fylgið uppgefnum þvottaleiðbeiningum.

• Leggið flíkina flata eða hengið til þerris.
• Þurrkið í vel loftræstu herbergi.
• Setjið ekki í þurrkara.

• Lágur til miðlungs hiti eingöngu.
• Straujið á röngunni til að vernda yfirborð flíkinnar.
• Gufa er ávallt betri kostur.